Reguleringspalen for Troldhaugvegen vart vedteken av bystyret i Bergen 19.06.2024.
Planen er utarbeidd av Ard arealplan i samarbeid med Grung Arkitektur AS, på vegne av T & H Holding AS.
Planområdet ligg sentralt på Hop i Fana bydel, med gode gang-, sykkel- og kollektivsamband. Det er om lag 1,4 km til Nesttun sentrum, og Bybanestoppet på Hop ligg ca. 850 meter unna. I dag inneheld området ei einebustad, medan nabobygg består av leilegheitsbygg og einebustader.
Planforslaget legg til rette for fire bueiningar i rekke over to etasjar. Bygget er plassert midt på tomta for å sikre gode uteareal, trygg tilkomst og minst mogleg sjenanse for naboar. Einingane er vestvendte med gode sol- og lystilhøve, og tiltaket påverkar ikkje vesentleg sol- eller utsiktstilhøva for bustader som blir liggande bak nybygget.
Rekkehusa vil få eit moderne arkitektonisk uttrykk som bind saman den lokale strøkskarakteren, der ein finn ei blanding av moderne, større leilegheitsbygg og mindre, eldre einebustader.
