I samsvar med plan og bygningslova (pbl) § 12-14 tredje ledd, vert det varsla om endring etter forenkla prosess av detaljreguleringsplan for Spilde – gbnr. 141/57.
Forslagsstiller
På vegne av B Telle Eigedom AS fremmer Ard Arealplan AS endring etter forenkla prosess av detaljreguleringsplan for Spilde, gbnr. 141/57.
Planområdet
Planområdet ligg langs Spildepollvegen ved Eidespollen i Øygarden kommune. Straume, som er kommunesenteret i Øygarden kommune, ligg ca. 17 km frå planområdet i nordaustleg retning. Det er om lag 32 km til Bergen sentrum. Planområdet er utvida til å inkludera frisikt ut til fylkesvegen. Planområdet er totalt ca. 15,7 daa.
I kommuneplanens arealdel for Sund vedtatt 2011 er område avsett til noverande bustadutbygging. Gjeldande reguleringsplan er Reguleringsplan for Spilde – gnr. 41 bnr. 17 (nå bnr. 57). Bustadområdet som ynskjast fortetta er avsett til bustad.
Planens formål
Forslag om endring etter forenkla prosess kjem av at det vert naudsynt med store terrenginngrep for å byggja ut felt B4 og B5 etter gjeldande plan. Felt B4 og B5 vert tatt ut av planen, og etter kommunen si tilråding vert det gjennom endringa regulert for ytterlegare fortetting i felt KBA (B3 i gjeldande plan) med inntil 10 bueiningar og fleksibilitet i bustadtypar. Tal på bustadar totalt sett vil ikkje auke. Det er lagt til rette for vendehammar i enden av bustadfeltet KBA, satt av eksisterande renovasjonsareal med tilhøyrande oppstillingsplass som eige formål i plankart, gjort om bustadformål B4 og B5 til felles uteopphaldsareal (f_UTE), to mindre felles parkeringsplassar i kvar ende av bustadfeltet (f_PP3-f_PP4). Ein har etter tilbakemelding frå kommunen utarbeida eit heilt nytt plankart som er i tråd med ny plan- og bygningslov av 2008, gjeldande føringar for utarbeiding av plankart og regulert etter dagens situasjon.
Merknadsfrist og vidare saksgang
Frist for merknader er sett til 07.02.2025. Dette gjev ei frist på 3 veker.
Innspel eller merknader som angår planens løysingar eller som gjelder særlege behov kan sendes skriftleg eller elektronisk til:
Ard Arealplan AS
Damsgårdsveien 135
5160 Laksevåg
E-post:
Alle mottekne merknadar skal sendast til kommunen som kopimottakar. Etter at merknadsfristen har gått ut vert endringsforslaget sendt til Øygarden kommune for sakshandsaming. Det er ikkje krav til utlegging av forslag til offentleg ettersyn. Underretning om vedtak vert sendt til råka myndigheiter som har hatt merknader, og eigarane og festarane av eigedomar som direkte råkast av vedtaket.