Varsel om mindre endring, evt. reguleringsendring av planid 20050101 Skjelåsen, Drange, gnr. 20 bnr. 34. Os kommune.På vegne av tiltakshavar B Telle Trearbeid AS vil Ard arealplan as med dette varsle om mindre endring, evt. reguleringsendring av planid 20050101 Skjelåsen, Drange, gnr. 20 bnr. 34 i Os kommune. Gjennomgang av merknader etter varsling vil avgjere om det vert ei mindre endring eller reguleringsendring.
Tiltakshavar ynskjer å gjere om på fordelinga av antal bustader innanfor dei ulike felta, samt å ta ut byggegrenser og nytte gesimshøgd istadenfor mønehøgd. Innanfor eitt av felta ynskjer ein også å auke utnyttinga og gesimshøgda.
Merknadar til oppstartsmeldinga:
Vi inviterer til samarbeid og medverknad i den kommande prosessen. Innspel eller merknader som gjeld løysingar eller særskilde behov kan sendast skriftleg til:
Ard arealplan as
Nygårdsgaten 114
5008 Bergen
e-post:
Det er ikkje naudsynt å sende kopi av merknadar til Os kommune. Alle mottekne dokument, merknadar og liknande vert sendt kommunen saman med planframlegget.
Merknadsfrist:
Frist for merknader er sett til 03. november 2016.
Vidare saksgong:
Dersom planen kan gjennomførast som ein mindre endring: Etter merknadsfristen vert forslaget til mindre endring sendt til Os kommune for sakshandsaming. Det er ikkje krav til utlegging av forslag til offentleg ettersyn, eller kunngjering av endeleg vedtak. Underretning om vedtak vert sendt til råka myndigheiter som har hatt merknader, og eigarane og festarane av eigedomar som direkte råkas av vedtaket.
Dersom planen må takast som ei reguleringsendring: Etter merknadsfristen vil forslag til reguleringsplan verte sendt Os kommune for sakshandsaming. Etter første gongs handsaming vert planen lagt ut til offentleg ettersyn i 6 veker. Det vil då verte mogleg å kome med merknader til planforslaget før vidare politisk handsaming.
